يوميات شاب عادي ....

الان الحلقات : ( 1  -   2   -   3   -    4    -  5   -   6    -    7  ) ....



......يوميات متجدده .....

-1-

الحلقه الاولي

في ليله بارده من ليالي الشتاء .. دق جرس الباب ... ولكني صراحتا .. طنشت مردتش اقوم افتح قولت ما لو حاجه مهمه  ممكن اللي علي الباب يتصل بيه واهو التليفون اقرب ... وفوجئت بان الخبط علي الباب سكت مره واحده.............وبعدها تليفوني رن وكان مكتوب علي الشاشه .... لا يوجد رقم...... 

قولت لاء بقي مبدهاش .......... جيت ارد سكت التليفون هو كمان ....... وزاد الخبط علي الباب مره اخري ............. وانا لسه مكسل اقوم ارد .... وقمت ببطئ شديد وكأن العالم كله يقاومني علي الا اقوم ؟؟؟؟؟؟؟؟ استغربت جدا من طريقتي في القيام من شده البرد

ولمست الارض بأطراف اصابع قدماي فوجئت...........

بأن الارض غرقانه ميه ......... ميه في كل مكان وكأن النهر بطل يصب في السودان وبقي يصب في بيتنا ..........

....

رفعت رجلي بسرعه وبدأت اتابع بعيوني الميه دي جايه منين ورايحه فين ؟؟؟؟؟؟؟

ولقيتها طالعه من تحت الباب قمت بنفس البطئ الشديد وما ان فتحت الباب الا ووجدت .............

.

.

.

.

.

.

.

.

.

.

.

.-2-

الحلقه الثانيـــــــــــــــــــــــه

رفعت رجلي بسرعه وبدأت اتابع بعيوني الميه دي جايه منين ورايحه فين ؟؟؟؟؟؟؟

ولقيتها طالعه من تحت الباب قمت بنفس البطئ الشديد وما ان فتحت الباب الا ووجدت .............

.

.

الحنفيه مفتوحه علي الاخر وكل حنفيات البيت مفتوحه وكأن المنزل تحول الي نافورة من نافورات ميدان التحرير !!!!!!!!!!!!!!

.

.

وافتكرت اني قبل ما انام كنت عطشان جدا وفتحت الحنفيه علشان اشرب وملقتش ميه ونسيت اقفلها وكان نفس الحوار في باقي حنفيات البيت ........

.

فتحت باب البيت لاجد نص السكان طالعين بره شققهم والنص التني مواربين الباب وواقفين بردو......... وكلهم بلا اسستثناء بصولي حته بصه وكأني شخص غريب الاطوار او مثلا طالع براسين وكانو كلهم عاوزين يقتلوني واللي يقولي كده بردو ؟؟ شقتي غرقت بسببك؟؟

.واللي يقولي السجاد عليك غسيله ( وماله ميضرش )

.

واللي يقولي انت كنت نايم مع اهل الكهف .؟؟؟؟؟؟؟

قلتلهم انا اسف جدا يا جماعه محدش رضي يسمعني طب اعمل ايه ؟؟؟ صرخت بصوت عالي يفوق صوت صراخهم وقوولت باااااااااااااااااااس لو سمحتم كفايه وشرحت الميه دي سببها ايه وقولت ان رغم البرد دا هلم الميه كلها واغسل سلم العماره كله جزاء عملتي الجباره ..........

.

.

وفجأه ..

.

.

تطوعت احدي بنات العماره بنت الاستاذ ممدوح الانسه رنا ذات السبعتاشر سنه (( اد ايه البنت دي اموره اوووي وجدعه اووووي )) المهم قالت لي انها هتساعدني وشكرتها وبدأنا نلم الميه ................

.

.

.

.

.

.

.

.

.

.

.

.

-3-

الحلقه الثالثـــــــــــــــــــــــــــــه

.

.

تطوعت احدي بنات العماره بنت الاستاذ ممدوح الانسه رنا ذات السبعتاشر سنه (( اد ايه البنت دي اموره اوووي وجدعه اووووي )) المهم قالت لي انها هتساعدني وشكرتها وبدأنا نلم الميه ................

.

وكنت في غمرة السعاده وانا بلم الميه معاها .... مش عارف ليه ...... حاسس ان البرد اللي كان ماسكني مرة واحده اتحول لبركان من بتوع اليابان ...

.

المهم ... في لحظة تجلي وانا سرحان مع نفسي وبلم في الميه وحاسس اني وسط شلالات النياجرا كده ... اتزحلقت ووقعت ولقيت رنا صرخت وجريت عليا وفطسانه علي نفسها من الضحك وانا رغم وجعي وألمي من الوقعه اللي مش عارف عملتلي ايه لغاية دلوقتي انفجرت في الضحك معاها ....... وغطي علي كل دا ... اجمل غمازات في وشها ..

.

الله البنت دي كانت مستخبيه فين ؟؟ ....... وجيت اقوم حسيت بألم فظيييييع جداااا ااااااااااااااااااااااه اااااااااااااااااااااااااه رجلي اتكسرت والحمد لله .خلصت من السلم هههههههههه ....

وبما اني شاب وحيد ومغترب ... قامت رنا وابوها بخدمتي طول الشهر دا... ربنا يباركلهم يااارب ... مش عارف من غيرهم كنت هعمل ايه ؟؟

.

وكل يوم رنا وهي جايه من المدرسه كانت بتحود عليا ومعاها العيش والذبادي والفول ........ وكان بيبقي احلي فطااار ..استمر الوضع دا لحد تاني اسبوع ما ابتديت ارجع تاني اقف علي رجلي واعرف انزل وامشي شويه طبعا وانا لسه بالجبس ....

.

وعدت الايام وذهبت الي العياده وتم والحمد لله فك الجبس ورجعت زي الاول ....لاء اول ايه ...احسن بكتيييييير ....

وفي مره من المرات دردشت مع رنا وعرفت ان ماماتها توفت وهي عندها خمس سنين ... الله يرحمها ... وانها عايشه مع باباها من اليوم دا لوحدهم وهي نور عين باباها لانها بنته الوحيده اللي اتفرغ لها وساب الدنيا علشان خاطر عيونها ومرضيش يتجوز تاني علشان ميجبلهاش مرات اب ............ اد ايه الراجل دا عظيم .......

.

وفي ساعة التجلي دي اللي بيها حسيت ان رنا دي بجد هي فتاه احلامي وانا مش هسيبها ابداااااااااا . ومش عارف الشعور دا جه منين من الميه ولا من الجبس ..... بس المهم ان دا اللي كنت حاسس بيه ... طب البوسطجي ... بوووووووووووسطه يووووووووطه

.

.سامي عبد الحميييييد ....... سامي عبد الحميييييييد .......... مين دا ........... اه دا انـــــــــــــا .... نسيت اقولكم من الاول ......... ان انا اسمي سامي عبد الحميد عندي 28 سنه من الصعيد الجواني هههههه اسمراني اللون وطوووويل ههه يعني الي ما شاء الله هههههه

بشتغل في محافظة الاسكندريه في الشؤن القانونيه لشركه استيراد وتصدير في المنشيه بقالي ست سنين من بعد ما اتخرجت من كلية الحقوق جامعه اسكندريه .. وانا قاعد هناك ..... حبيت جوها واهلهااااااا اللي منهم رنا واللي من ساعة ما رحت البيت دا وانا بشوفها زي الملاك وهي جايه من المدرسه وأصبح عليها وهي رايحه المدرسه .... وكان كل املي انها بس تكلمني الي ان كسرت رجلي وكانت احلي كسره هههههههههه .

..

.

.

نسينا البوسطجي ... هههههههههه اخدت منه الجواب ومضيت علي الاستلام ياه ايه كل الاجراءات دي ؟؟ المهم .. فتحت الجواب ولقيت فيه شئ غير متوقع .......... اخيراااااااااااا حلم عمري هيتحقق

.

.

.

.

.

.

.

.

.

.

.

-4-

الحلقه الرابعـــــــــــــــــــــــــــــــــــه

.

.

فتحت الجواب ولقيت فيه شئ غير متوقع .......... اخيراااااااااااا حلم عمري هيتحقق اخيرا وبعد عناء وصبر طوووويل جالي جواب الهجره ..... انا كنت مقدم علي هجره لكندا ... لان البلد وزي ما انتم عارفين حالها لا يسر عدو ولا حبيب ومفيهاش شغل ولو حاولت اكمل وابني نفسي وأكون حالي زي بقيت الشباب المكافح المناضل اللي بينحتوا في الصخر لغايه ما الصخر يصرخ ... وبردو مفيش امل .. ممكن يبقي عندي 60 او 70 بالقليلل ويبقي فرحي بدل ما هو دخله .... هيبقي خارجه ههههههههههه

اخيرا جالي جواب المقابله ...... بــــــــــــــــــــــــــــــس!!!!! رنا ؟؟ ؟؟؟؟؟؟؟؟؟؟؟

رنا وقصتي الكبيره اللي لسه مبتدتش معاها دي ؟؟؟؟؟ طيب ياتري لو ربنا وفقني في المقابله رنا هترضي تيجي معايا ؟؟؟؟

طيب وبابا رنا اصلا هيرضي انه يسيب بنته الوحيده تسافر وتسيبه ؟؟؟؟؟؟؟؟

اااااااااااااااه يا ربي ..... يعني الحلم الوحيد اللي كنت بقوم وبنام وبصلي وبدعي لربي ليل ونهار علشان يتحقق اقف قدامه كده وانا بيني وبينه خطوه ومش عارف اخطيها ولا لاء؟؟؟

ياااارب ساعدني .... انا محتاااااااااااااار ومش عارف ..... انا حبيت رنا بجد ..... وحاسس اني مقدرش استغني عنها .... وحاسس انها مش هتوافق تسافر علشان باباها .................. اعمل ايه بس

.

.

.

.

وخلص اليوم وكأنه سنه ..... واستقبلت الفرحه بخوووف .... خوف علي حبي اللي لسه في اللفه وحاسس انه بقس حته مني .....

وبعد تفكير عميق وانا تحت البطانيه .... (( انتم نسيتوا ان الدنيا ساقعه )) .. قررت اني افاتح والد رنا وادخل الباب من بابه ....

وقمت من تحت البطانيه جرررري ......وبعد ما كانت درجه حراره الاوضه 12 درجه مئويه تحت الصفر اتحولت حراره جسمي فجأه الي 50 درجه من حراره الخوف والقلق ورد فعل والدها .. وجريت وانا مش حاسس بالوقت ولبست هدومي وبرفناتي ووصيت علي احلي بوكيه ورد وكمان جاتوه (( يالا ان شالله ما حد حووووش )) اومال هدخل عليهم كده اورديحي ؟؟؟؟؟

وبعد شويه رن جرس الباب الورد والجاتوه وصلوا والله كويس الديليفري دا بينجز بردو هههههههه

ونزلت وانا كلي وقار ومن بره ومرعووووووووووب من جوه .... امسك نفسك يا سمسم ..... وقربت من الباب ورنيت الجرس ... ترن ...ترن ...ترن ... وفجاه ... وبعد ما رنيت الجرس .... ببص في الارض .... يالهووووووووووي

.

..

.

.

.

.

.

.

.

.

.

-5-

الحلقه الخامســـــــه

.

.

قربت من الباب ورنيت الجرس ... ترن ...ترن ...ترن ... وفجاه ... وبعد ما رنيت الجرس .... ببص في الارض .... يالهووووووووووي. .....ايه دا ؟؟؟ من اللهوجه نسيت البس الجزمه !!! ونزلت بشبشب الحمام !!!!! وده بقي مقولكومش علي شكله !!! وبعدين ؟؟؟ طيب انا هجري بسرعه وكأني مش انا اللي رنيت وأروح اغير الهبااااب ده ..... ان ان اااان !!!

- اهلا وسهلا اتفضل يا سامي يا بني ...!!! خير ؟؟ انت رايح فين ؟؟ شكلك كده كنت جاي عندنا مش كده ؟؟ !!

- اااا ايوه يا عمي وقلت في نفسي(( ايه السرعه دي انت واقف ورا الباب )) ودخلت وانا مبتسم ومتنح ووشي في الارض من الخجل ومش عاااارف اتكلم .... وبداري رجلي علي قد ما اقدر (( طبعا انتم عارفين ليه )) .... ياااه انا محرج اوووي ايه المنظر ال تيييييييت اللي انا فيه دا... حطيت الورد و الجاتوه قدامي وبابا رنا ما زال يرحب بي وهو منتظر مني ان انطق واقول علي سر الزياره الليليه دي ...وانا ارد التحيه ولا ازيدها بكلمه ....... واخر ما الراجل زهق اني انطق نادي علي رنا ..

- يا رناااااا اعملي شاي للاستاذ سامي يا بنتي ..

وردت ملاكي البرئ..

- حاضر يا بابا ...

-اااااااااه وكان صوت من السماااء قد هز اوصااالي ايه دا ؟؟ البنت دي كل حاجه فيها بتشدني جدااا .. حتي صوتها ..بيلخبطني.. وبعدين معااااك اثببببت يا سمسم ..

قاطعني عمي بصوته الاجش من حلمي الدافئ ..

- انت رايح عند حد يا ابني ؟؟؟؟

- لاء...... اااه ......اقصد.... مش عااارف !!!!

-هههههههههههههههه هو ايه اللي لاء واه ومش عارف دي كمان مالك يا سامي يا ابني ؟؟؟صلي ع النبي كده وقولي مااالك وحكايتك ايه النهارده ؟؟؟؟ ويالا بسرعه قبل ما رنا تيجي وتتشاقي عليك وتقررك زي عوايدها ...

- عليه الصلاه والسلام عمي انا ..... انا ........

-انت ايه ؟؟؟ انطق يا ابني نشفت دمي ؟؟؟

- عمي انا عاوز اتقدم لرنا

انا قولت الجمله دي وحسيت اني رميت قنبله من بتوع هيروشيما وناجازاكي.... وظهر علي عمي علامات استغراب ودهشه وفرح وحزن ومبقتش عارف العلامات دي وحشه ولا حلوه ؟؟؟؟من كتر ما هي متضاربه !!!!

- ايه يا عمي قولت ايه ؟؟؟

- قولت لا اله الا الله يا ابني .... اصــل ................

.

.

.

- صراحه يا ابني ... انا مكنتش متوقع ان رنا يجيلها عرسااان دلوقتي خااااالص !!!
دي لسه في المدرسه ؟؟؟
وبعدين انت كبرتني اووووي يا سي ساااامي ...
- ايه يا عمي دي رنا في 3 ثانوي ... وبعدين ماشاء الله عليها كلها كام شهر وتبقي في كليه ...
- الصراحه يا ابني انت فاجئتني ....وانا مش عارف اقولك ايه ؟؟؟
- افهم من كلامك ده انك رافض ؟؟؟؟؟؟
- طبعا ... لاء.....بس انا مش مصدق اني عجزت اوووي كده يا ابني ....ههههههههههههه
- وضحك والد رنا وكاد قلبي ان ينشق مني لمعرفه ماذا بعد هذه الضحكه ؟؟؟ياااارب استرررر ....
ودخلت علينا ملاكي الجميل ومعها الشاي والكيك ....
وجلست وقالت :
-ايه الشياكه دي يا استاذ سامي انت صحتك بتيجي علي العيا ولا ايه ؟؟؟؟ هههههههه (ثم نظرت الي الورد ) الله ايه الورد الجميل دا ؟؟؟ شكرا جدااا يا استاذ سااامي ما كانش في داعي والله ..
- فقلت لها مداعبا .. وفي جاتوه كمان هنا اهو .... ههههههههههه
فضحكت بصوت جميل وهي تحتضن الورد برقه ....
واخذت الورد وذهبت علشان تحطه في زهريه بعد ما والدها امرها بذلك ...
- اشرب الشاي يا سامي ( قال لي والد رنا )..
-وشربت ... وكاني رجعت لايام الكليه من تاني وحسيت اني واقف قدام عميد الكليه وانتظر الرفد ......
ثم قام والد رنا ...... من الكرسي الذي امامي ..... وجلس بجواري وقااااال ....

.

.
.

.

.

.

.

.

-6-

الحلقه السادســــــــه

.
.
ثم قام والد رنا ...... من الكرسي الذي امامي ..... وجلس بجواري وقااااال .......
- شوف يا سامي يا بني   ... رنا بنتي الوحيده    زي ما انت عارف     والدتها ماتت وهي عندها 5 سنين ...... وسابتهالي عهده في رقبتي     وفضلت محافظ علي العهده دي زي عنيا واكتر ... لدرجه اني لما كنت بعيا .... وكانت درجه حرارتي توصل لــ40 أخد رنا واوديها الملاهي وافسحها علشان تتتعب من اللعب وتنام وهي مهدوده ومتحسش بيا بالليل وانا بخترف .........
.
.
علشان كده يا ابني انا مش عاوزها تتعب من بعدي
- ايوه يا عمي بس .........   
- سبني اكمل كلامي يا ابني انا لسه مخلصتش ....
- اتفضل ..
-رنا بالنسبالي ....... بنتي ..... واختي ....... وامي .........وكل حاجه حلوة في حياتي .... رنا مليت عليا دنيتي ... وانا كمان وعدتها اني مش ممكن ابدا هتجوز واجيب لها مرات اب ... بعد وفاة المرحومه امها .........
علشان كده ..... وعلشان كل اللي انا قولتهولك ده انا مش ممكن اديك اي كلمه حتي لو كانت مبدئيه ....الا لما اسأل عليك واعرف كل حاجه عنك .. متزعلش مني يا بني .... ودا طبعا  بعد ما اسال رنا    ..... ...
- عندك حق يا عمي وانا مقدر موقفك دا ... وان شاء الله اكون عند حسن ظن حضرتك بيا ......
-دلوقتي بقي تقدر تشرب الشاي والكيك يا سيدي ... دا من عمايل رنا بتتدرب فيا يا سيدي ههههههههههههههههه.
-ههههههههههههه
**  وضحكنا وكانت ضحكتي حزينه الي حد ما ..... ولكنني كنت مطمئن لاني احسست بالموافقه المبدئيه من كلام عمي ....
وشربت الشاي علي خير وودعني عمي واوصلني الي باب الشقه وقال لي بهمس في اذني ***** انا عارف انك نسيت الجزمه .... ماهو مش معقول الشياكه دي علي زنوبه هههههههههههههههههههههههههههه *****
وخرجت وانا كلي امل وراحه واطمئنان رغم ان عمي ممدوح مقالش انه موافق او رافض .... وكل اللي قاله .. انه هيسال عليا ... وربنا يقدم اللي فيه الخير .....................................................
.
.
طلعت شقتي .... واستلقيت علي سريري  مرتاااح وكلي فرح ..... وبهدومي .... الي ان داهمني النوم ولكن بعد فتره لاني كنت بفكر في عرووووووستي طبعا ...
.
.
.
.
.
.
.
.

-7-

الحلقه السابعـــــــه

.

.

علي  الجانب الاخر ...
-------------------
اغلق والد رنا الباب وراء سامي وهو يضحك ..... جائت رنا وهي تقول ....
- هو استاذ سامي مشي يا بابا ؟ ولا ايه ؟؟؟؟
- اه يا رناا ... اني كنتي عاوزة حاجه  ؟؟؟
- لاء هعوز ايه .... ؟ ... هو كان جاي ليه يا بابا صحيح |  ؟؟

-  تعالي يا رنا .... اقعددي جانبي  انا عاوزك .....
** وجلست رنا بجوار والدها....  وقالت
-نعم يا بابا خير ؟؟؟
- بقي يا ستي سامي افندي النهارده كبرني عشرررين سنه .....وقالي انه عاوز يطلب ايدك ..... قولتي ايه ... ؟؟؟
-ايــــــــــــــــــــــــــه ؟؟؟؟ سامي ؟؟ اقصد استاااااذ سامي ؟؟؟؟ طالب ايد مين ؟؟ ايدي انا ؟؟؟ انت بتهزر يا بابا صح ؟؟
- ليه يا رنا ... هو سامي فيه حاجه تتعيب يا بنتي ؟؟
-(رنا مقاطعه )..  بابا ااا  انت عارف اني مش عاوزة اتجوز ولا عاوزة اي حاجه  من الدنيا دي غير اني اكون معاك وبببببببس ...
- ايوة يا رنا ... بس دي سنه الحيا ه يا بنتي ..... لازم تتجوزي .. وتحلي عن سمايا شويه بقي ... هههههههههههه
ليه يا با هو انا زعلتك في حاجه ؟؟؟؟
ههههههههههههههههه ايه يا رنا مالك ؟؟؟   هو الجواز عقاب ولا ايه يا بنتي ؟؟؟
- لاء يا بابا ..... انا مش عاوزة اسيبك ... وبعدين لسه بدري علي الكلام ده ...
بدري من عمرك يا حبيبتي ....... انتي شويه وهتبقي عااانس انا كنت خاطب المرحومه امك وهي اصغر منك ب 3 سنين ...... واول ما خلصت الثانوي اتجوزنا ع طوووول .... وبعدين مين قالك انك هتسيبيني بس ؟؟؟؟ انتي هتعيشي معايا هنا في العماره انتي ناسيه ان شقه سامي فوقينا  ؟؟؟
- وبعدين انا لسه ماخدتش قرار نهائي انا قولتله اني لسه هسال عليه ..... واسالك طبعا ......
فكري يا رنا يا بنتي ..... انا مش هعيشلك العمر كله يا حبيبتي .... وانتي ملكيش غيري يعني لا ام ..ولا اخت ...ولا اخ ...... فكري  وصلي  صلاة استخاره وانا كمان هصلي .... وربنا يقدم اللي فيه الخير ..... محدش  عارف النصيب فين يا بنتي ......
وذهب والد رنا متجها الي غرفته ... وهو مبتسم  ومستغرب ان بنته الوحيده الجميله ام الضفاير الصغيوره  كبرت اووي كده    وجالها عريس      ........ والله وكبرت يا ممدوح    ....
.
.
.
وذهبت رنا هي الاخري والفرحه مش سايعاها وقلبها يكاد ان ينخلع  منها .... وتدعي الله ان يجعله من نصيبها  ... .......... وقالت في نفسها  ( الله اومال الفيلم الهندي اللي كان بره من شويه دا ايه يا رنا ؟؟ سبحان الله ... مكنتش عارفه اني هبقي فرحانه اوووي كده ..... يااارب اجعله من نصيبي واجعلي الخير فيه  يارب يااارب يااااارب يااااااااااااااااااااااااااااااااااااااارب ..........................
.
.
.
وفي الصبا ح......
.
.
قام سامي من النوم  وهو يكاد ان يكون ... فاته ميعاد صحيانه من النوم اليومي .... وقال.....
- ينهار ابيييييض هو انا لسه بهدومي من امبارح ؟؟؟؟  
وبسرعه  قلع.... ولبس  هدوم الشغل اليومي ....
- ماهو مينفعش اروح الشغل بالبدله السهاري دي...................  ونزلت الشارع ..... وكان سبحان الله الدنيا جميله ورايقه ... دا حتي مفيش زحمه كل يوم .. ياااه هو الحب بيعمل كل ده ؟؟؟؟؟؟؟؟
لو كنت اعرف اني لما احب واتقدم لحبيبتي الدنيا هتبقي وردي في عنيا كده كنت اتقدمت لرنا من زماااان .......  يا سلام دا حتي الميكروباص اللي بتحايل علي  السواق كل يوم انه ياخدني زياده  في سكته وهو يقولي مفيييييش مكان يا استاذنا ...... النهارده بينادي وهو بيتحايل عليا ...... منشيييه  ...... منشيه ..... يا استاذ ... منشيـــــــــه ؟؟؟؟ ....... اه يا رنا انا بحبك اووووي دا حبك خلى السواق  يفضيلي العربيه ....... حتي بعد ما ركبت وصلت في اقل من نص الوقت ......سبحاااااااااان الله .....
.
.
ايه دا بقي هو في ايه ؟؟؟؟؟؟؟؟؟؟؟ المكان فاضي كده ليه ؟؟؟؟؟؟؟؟ فين الناس ؟؟؟ فين الموظفين ؟؟؟؟؟؟
.
.
عم رمضان  ... ازيك يا عم رمضان ؟؟؟  ((عم رمضان هو مسئول قسم البوفيه عندنا هنا في الشركه )).....
- ازيك يا بني ؟؟ !!!!!! ....
- اومال فين الناس يا عم رمضان ..... الشركه فاضيه كده ليه ؟!!!
- ما انت عارف يا  استاذ سامي  ان النهارده الجمعـــــــــــــــــــه ومحدش بيجي الشركه غير الفراشييين  وبتوع البوفيه بس .... علشان نقفل حسابتنا وننضف المكااان .............
الا صحيح يا بني ؟؟ انت ايه اللي جابك النهارده !!!
. ** وطبعا انا مش هنا ..... من ساعة ما سمعت ان النهارده الجمعه ..... وانا مغمض عنيا ... وبجزززز علي اسناني ومش عارف  اداري كسوفي ازاي من عم رمضااان .......
- مقلتليش يا بني ؟؟ ايه اللي جابك النهارده ضايع منك حاجه ولا ايه ؟؟
- ها ... انا ... لا يا عم رمضااان اصلي كنت نسيت حاجه في درج مكتبي امبارح  .. هروح اخدها واروح .....
- ماشي يا بني ... لو عزت حاجه ناديني ...
- الله يكرمك يا عم رمضاان ...
** وفي الحال .. بعدما  تركني عم رمضان .. وذهب لملمت الباقي من ذهني وحاولت استرجاع ذاكرتي التي تركتها في قلب بيت رنا وعم ممدوح .....
.
.وفضلت ماشي علي البحر من المنشيه لمحطه الرمل سرحان في ملكوت الله وفي جمال البحر والطبيعه الخلابه .. سمعت قرأن صلاة الجمعه ابتسمت علشان افتكرت عملتي السوده .. ودخلت مسجد القائد إبراهيم وصليت ركعتين لله تحية للمسجد وبعدهم جلست في المسجد اقرأ القرأن منتظرا لصلاة الجمعة.. وفي رحاب الله والأجواء الجميلة دي سرحت في رنا ودعيت ربنا يجعلها من نصيبي ويقربها لقلبي ويجعلها قره عيني وقمت صليت ..  وانا ساجد طولت السجود اووووي طولت ودعيت من قلبي انها " تكون ليا وميحرمنيش من وجودها في حياتي ابدا يااارب اجمعني بيها علي خير ياااارب تكون بتحبني زي ما انا بموت فيها كده يارب انت عالم باللي في قلبي وادري مني بيه يارب لو فيها خير قربها مني ولو فيها شر .. ابعد الشر وزيحه واجعل فيها الخير يارب وباركلي فيها و في حبها " دعيت ودعيت وطولت في السجود وبكيت من قلبي لحد ما صفيت خاااالص ومقومتش غير علي خطبة الجمعه وهي بتبدي .. وكانت الخطبه عن الزوجه الصالحه ... حسيت انها إشارة من المولي سبحانه وتعالي .. وانشرح قلبي اووي وانتبهت للشيخ اوووووووي ...

.

.

وعلي الجانب الاخر في بيت رنا ....

-      يالا يا رنا عاوز انزل يا بنتي الخطبه ابتدت هاتي القفطان بقي كفايه كوي ..

-      حاضر يا بابا اهو خلاص .... اتفضل .. اللبس بسرعه بقي يا سي بابا .. تصلي وتطلع علي طول متروحش في حته الله يباركلك عشان عندي درس ..

-      حاضر يا ستي .. سلام عليكم .

-      وعليكم السلام يا حبيبي .. ......هو سامي منزلش يصلي الجمعه  ليه .. غريبه ؟

قالت رنا جملتها الاخيره في نفسها وهي تنظر علي السلم منتظره سامي ... ثم دخلت واتجهت الي البلكونه وانتظرته طويلا حتي إقامة الصلاه .. بس مفيش فايده ..

دخلت .. رنا تجهز ادواتها وملابسها علشان الدرس .. وكانت مهتمه بنفسها بزياده عن كل يوم بدون قصد منها ... ( او بقصد ) .. .. لم يكن لــ رنــاا أي تجارب سابقه في الحب فهي بالفعل ابتدي يدق قلبها  وينبض بشراره حب جديده لــ سامي  ..

طلع والد رنا بعد  الصلاه ..

-      يالا يا رنا روحي درسك بقي علشان متتاخريش .. وانتبهي لدروسك يا بنتي متفكريش في أي حاجه تعطلك ها .. فهماني طبعا .. اتكسفت رنا وعملت نفسها مش فاهمه حاجه .. وقالت له ..

-      ماتخافش ياسي بابا المهم بس انت هتغدينا ايه ؟؟

-      وصيت علي سمك مشوي وهحرق شويه رز علي ما تيجي

-      تحرررق ؟؟

-      اقصد اسوي يا رنا انتي غريبه اووووي هههههههههههه .

-      هههههههههه ماشي يا سي بابا ... يالا بقا  " لا اله الا الله "

-       سيدنا محمد رسول الله مع السلامه يا حبيبتي ..

** نزلت رنا من علي السلم وهي كلها امل تلمح سامي وفي نفس الوقت خايفه تشوفه ويشوفها .. مشاعرها كانت متضاربه ومتباينة مشاعر كتيرر مختلفة لخبطتها اووووي بقت مش عارفه هي مالها .. ولا بيها ايه ..

**

*

*

سامي بعد الصلاه ..

اتمشي  شويه وركب الميكروباص وروح علي طول تحت العماره وقف لحظات ناظرا لاعلي .. علي بلكونه محبوبته التي سلبته قلبه وعقله ..ولكن بدون جدوي ..

طلع شقته وقعد حاسس بشئ غريب .. حاجه نقصاه .. حاجه المفروض تحصل ومحصلتش .. يالهوووي ايه الإحساس دا انا جعان يا جماعه جعاااااااااااااااااااااااااااااااان

 

اما في بيت رناااااا
.
.
.

.
.
.

    
((انتظروني في الحلقات القادمه ))
EMAN FOUDA